好日唔update，又要講d 唔開心事俾大家知。
doo 妹妹病左！
星期一中午兔婆打俾我話doo doo眼睛紅左，仲有d 唔尋常分泌，我就遙控兔婆叫佢用saline solution幫doo doo抹下眼仔。兔婆話佢飲食精神正常，那時都不已為意。晚上大約12時回到家，驚見doo doo左眼又紅又腫，眼頭肉凸出，狀甚恐怖，就大驚起來。想再用saline solution抹下，但一抹doo doo就縮，明顯係痛既反應。後來跟Rosy通電話 (sorry，咁夜仲打擾你)，我告訴 Rosy 擔心係牙仔問題影響眼睛，好彩Rosy分析如果係牙仔有問題先會有流眼水徵兆，不會一下子咁紅腫。
整個晚上差不多沒有睡望住doo doo，見佢胃口越來越差，耳仔越來凍，個心就越來越急。大約凌晨2,3時，doo doo 進食有困難，草完全唔想嚼，俾糧佢有時執起又跌返出來，後來洗了一些菜給她，方便她不需用力嚼。又用針筒餵水給她。
好不容易挨到天光，9時正即打去大圍，我說doo doo開始不飲不吃接線生就安排了10時45分的時段，獸醫是Dr. Peter。即刻收拾行裝call的士過大圍，等了一回就見Dr. Peter。先檢查基本身體狀況，check過牙仔，摸均全身肚仔聽心跳耳仔鼻子腳仔等等 (還送了清耳垢服務 XD)，Dr. Peter 說doo doo胃口變差全是因為眼痛，然後就開始檢查眼睛。Dr. Peter把顯映劑滴在兩眼睛上，然後用燈照，確定結構和視力沒有問題。但突然紅腫原因不明，有可能是淚管，又有可能撞傷。不過他也說紅腫情況很嚴重，開了五天止痛藥，消炎藥及眼膏給doo doo，他也強調如果五天後情況仍沒有好轉的話一定要回診所再詳細檢查。不過，他說眼睛復完速度會比較慢，所以要耐心觀察。
我最初顯得很憂心，生怕發炎情況嚴重得像大眼仔上次般腳趾不保，Dr. Peter 最初說如果我真的很擔心的話就開抗生素，後來他說不開了，因為眼睛分泌是呈透明至奶白色狀，他說根據這些顏色不是有膿，而且眼膏有一定消炎性質，所以不隨便開抗生素了。聽後我覺得他的解釋也合理，Dr. Peter的解釋很好和表現細心，可信。
現在doo doo的胃口已回復七成，但還是吃得很慢。沒有之前那般腫，不過還是很眼紅紅。希望慢慢好起來啦。
